【有感而發】
啱啱先發現呢個補左自己成年既學生，原來唱歌咁叻，彈結他和唱歌的時候的那份自信，我之前係從來無係佢身上見過。
呢個同學仔，因為成績差而被迫轉讀夜校，的確，佢初初來補習的時候寫野係1999，底子係差既。佢自己都自知，所以好比心機，我都見到佢慢慢進步，起碼由寫野“1999”進化成人類可以閱讀的層次。
所以其實我一直都好相信每一個人都有佢發光發亮的時刻，呢一刻鐘佢好失敗，比人睇死，唔代表佢呢世都做唔到。我做補習，我教書好簡單直接，好直接教你答題要點點點，背書要點點點，可能有人會覺得呢啲唔係教育，係填鴨。
但我其實不能認同，某程度上我係幫到係日校成績好低分、比人睇死既人進步
—— 至低限度寫野終於有文有路，不再1999
—— 至低限度，佢開始覺得“其實自己都做到丫！”，“其實我同人地都唔係差咁遠姐！” 做到呢一點，我覺得自己係的確從事“教育”。 考完個日，佢興奮到sd 錄音比我，聽得係有嗚咽聲的，我諗當中有多謝我教導既，但我相信更多的是如釋重負的淚水，大概連她自己也不敢相信，自己可以為“讀書”這回事這麼拼吧？明明“讀書”就是自己最怕的事！
所以我勉勵各位同學，不要妄自菲薄，如果連你自己都睇小自己，呢個世界唔會再有人幫到你！
廢話好似講得太多XD
想聽好歌的同學可以ig fo 下呢位師姐💕@ceci_1217
Search